Hopp til hovudinnhald Hopp til søk Hopp til bunntekst

Jordmor

Sist endret: 16.04.2018Kontaktavdeling: Helse
Jordmorsamarbeidet i Vest-Telemark

Frå 01.07.2015 gjekk Fyresdal kommune inn i Jordmorsamarbeidet i Vest-Telemark. Dette er eit samhandlingsprosjekt med Sjukehuset Telemark og dette gjev døgnkontinuerleg jordmorteneste; vakttelefon 35 02 16 24.

Skulle du av ein eller annan grunn ikkje få kontakt, kan du ringe sentralbordet ved Sjukehuset Telemark på 35 00 35 00 eller direkte til fødeavdelinga på 35 00 47 64.

Jordmor på helsestasjonen att!

Etter ei pause blir det nå jordmor på helsestasjonen i Fyresdal att. Det er to jordmødrer frå Jordmorsamarbeidet i Vest-Telemark som vil rullere. Dei vil i fyrste omgang vere til stades annankvar veke, men oftare dersom det er behov for det.

Ettersom dei to jordmødrene arbeider på helsestasjonane i Vinje og Kviteseid, i tillegg til å ha vakt i Seljord, er det ikkje mogleg å ha faste dagar, men det vil henge ei oversikt på kontordøra om når dei er til stades.

Alle er velkomne til å ringe dei når det måtte vere – også utanom kontortida.

Dei vil gjerne at dei gravide tek direkte kontakt for timebestilling.
Jordmødrene er å treffe på fylgjande telefonnummer:

❖ Sissel Aa. Brekke – 994 01 860
❖ Merete Kaste – 408 67 335.

Sjølve svangerskapskontrollane inneheld undersøkingar som:

- Blodtrykk
- Ymse blodprøver
- Lytte til barnet sin fosterlyd
- Måle korleis barnet veks i magen
- Urinprøver
- Måling av vekt


Ultralyd m.m.

Jordmor henviser til ultralyd, gynekolog og fødepoliklinikk om det er behov for dette. Du får god informasjon om dei aktuelle fødestadane i Skien. Det er høve til å få tid for omvising båe plassar ved 36 svangerskapsveke. Du har og fritt sjukehusval ved fødsel, du kan føde der du ynskjer, men fylgjetenesta til fødeavdelinga er kun til Skien og Arendal. Når fødselen er i gang kontaktar du jordmor som då ordnar med alt vidare. Jordmorvakta bestiller ambulanse også for dei som vel å føde i Arendal.

Tilbodet er gratis.

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk