Hopp til hovudinnhald Hopp til søk Hopp til bunntekst
  • Generelt

    Du kan søkje om tilskott til nærings- og miljøtiltak i skogbruket. Tilskottet kan du få til

    • skogkultur
    • vegbygging
    • miljøtiltak i skog
    • utdrift av skogsvirke med taubane, hest, osb.
    • andre aktivitetsfremjande tiltak i skogbruket

    Føremålet med ordninga er å stimulere til auka verdiskaping i skogbruket, samstundes som miljøverdiar knytt til biologisk mangfald, landskap, friluftsliv og kulturminne i skogen blir tatt vare på og vidareutvikla.

    Målgruppe

    Skogeigarar

    Vilkår

    Du har meir enn 10 daa produktiv skog. Tilskott til utdrift av skogsvirke til energiproduksjon (bioenergi) og til andre aktivitetsfremjande tiltak (sjå ovanfor) kan òg gjevast til

    • skogeigarar som har mindre enn 10 daa produktiv skog
    • eigarar som har landbrukseigedommar utan produktiv skog

    Lovar og retningsliner

    Søknadsprosessen

    Rettleiing

    Søknad om tilskott til skogkultur, vegbygging, miljøtiltak i skog eller utdrift av skogsvirke til energiproduksjon (bioenergi) skrivast på skjema utarbeidd av Landbruksdirektoratet. Ved søknad om tilskott til drift med taubane, hest, o.a., ta kontakt med Fylkesmannen for å få meir informasjon. For andre tiltak i skogbruket, ta kontakt med kommunen.

    Skjema

    Søknadsskjemaa ligg her.

    • Vegbygging: LDIR-902, LDIR-903, LDIR-904
    • Skogkultur og kvalitetsutvikling: LDIR-909
    • Skogbruksplanlegging med miljøregistrering: blir søkt hos fylkesmannen
    • Tømmerkaier og terminalar: blir søkt hos Landbruksdirektoratet
    • Skogsdrift med taubane: SLF-916
    • Miljøtiltak: SLF-911
    • Skoggjødsling: blir søkt hos kommunen
    • Andre tiltak: ta kontakt med kommunen

    Behandling

    Fylkesmannen gjer vedtak om tilskott til

    • vegbygging 
    • tynning og drift av skogsvirke med taubane, hest, o.a.
    • utdrift av skogsvirke til energiproduksjon (bioenergi)

    Elles er det kommunen som er vedtaksmyndigheit.

    Behandlingstid

    Kommunen/Fylkesmannen skal behandle saka så snart som mogleg. Dersom saka ikkje kan avgjerast innan éin månad, skal du ha skriftleg melding om grunnen til det. Du skal samstundes få opplyst når ein ventar at vedtaket blir gjort.

    Høve til å klage

    Du kan klage på vedtaket innan ein frist på tre veker frå du fekk vedtaket. Klagen sender du til den instansen som har gjort vedtaket. Før opp kva du ønskjer endra i vedtaket og grunngje det. Klageinstans er Fylkesmannen for vedtak gjort av kommunen og Landbruksdirektoratet for vedtak gjort av Fylkesmannen. Før klagen blir sendt dit, skal den instansen som gjorde vedtaket, vurdere om det er grunn til å endre det. 

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk