Hopp til hovudinnhald Hopp til søk Hopp til bunntekst
  • Allemannsretten

  • Fellingsløyve

    Generelt

    Retten til å jakte høyrer i utgangspunktet til grunneigaren. Fellingsløyve for elg, hjort, rådyr og villrein blir tildelt godkjente vald (det geografiske området der jakta skal vere) utan årleg søknad. For småvilt - med atterhald for bever - blir det ikkje kravt fellingsløyve.

    Dåhjort kan jaktast på i heile landet uavhengig av minsteareal, kvote eller godkjent vald.

    Grunneigarar kan utarbeide ein fleirårig, maksimalt femårig, bestandsplan for eit vald eller eit bestandsområde som er godkjend for jakt på elg og/eller hjort, og som disponerer eit areal på minimum 20 gonger minstearealet. Kommunen skal godkjenne planen og gjev i så fall eit samla fellingsløyve for heile planperioden. For villrein er det villreinnemnda som godkjenner bestandsplanen. Godkjende villreinvald får fellingsløyve for kvart jaktår.

    Målgruppe

    Grunneigarar/jaktrettshavarar

    Vilkår

    Det må liggje føre ei godkjenning av vald for elg, hjort, rådyr eller villrein for å få fellingsløyve. Kommunen/villreinnemnda fastset minstearealet som er det arealet som grunneigaren må disponere for å få fellingsløyve for eitt dyr.

    Pris

    Det er ikkje fellingsavgift for rådyr. Kommunen fastset fellingsavgift for elg og hjort, og Miljødirektoratet fastset fellingsavgift for villrein.

    Brosjyrer

    Kontaktpersonar

    NavnTittelTelefonMobilTelefaksE-post
    Aslak Momrak-HauganSkogbrukssjef35 06 71 19950 81 325Send Epost

    Kontaktavdeling

    Sektor for plan og teknikk

    LederMetveit, Arild
    Telefon35 06 71 38
    E-postpostmottak@fyresdal.kommune.no
    PostadresseKlokkarhamaren 6 3870 Fyresdal
    BesøksadresseKlokkarhamaren 6 3870 Fyresdal

    Lovar og retningsliner

    Viltloven § 16 og § 40 andre avsnittet

    Søknadsprosessen

    Rettleiing

    Godkjente vald treng ikkje å søkje om fellingsløyve. Kommunen (eller villreinnemnda) skriv ut eit årleg fellingsløyve og sender det til den valdansvarlege representanten. Finst det ein godkjend bestandsplan, blir alle fellingsløyva skrivne ut første året for heile bestandsplanperioden. Dette gjeld ikkje for villrein, der fellingsløyvet i alle høve blir skrive ut for kvart jaktår.

    Høve til å klage

    Du kan klage på talet på dyr du har fått fellingsløyve for (og det teljande arealet som ligg til grunn for dette) innan ein frist på tre veker frå du tok imot løyvet. Klagen sender du til den instansen som har gjort vedtaket. I klagen skal du føre opp kva du ønskjer endra i vedtaket og grunngje det. Kommunen/villreinnemnda vil kunne gje deg rettleiing.

    Klageinstans er Fylkesmannen for vedtak kommunen  har gjort, og Miljødirektoratet for vedtak som villreinnemnda har gjort. Før klagen blir sendt dit, skal den instansen som gjorde vedtaket, vurdere om det er grunn til å endre det. Dersom du ikkje får fullt medhald, vil saka gå vidare til klageinstansen.

  • Jegerprøven

  • Motorferdsel i utmark og vassdrag

  • Opptenning av eld utandørs

  • Vald - godkjenning

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk