Hopp til hovudinnhald Hopp til søk Hopp til bunntekst
  • Landbruksveg - bygging

  • Parkeringsløyve for rørslehemma

  • Reklameskilt langs veg

  • Skuleskyss

    Generelt

    Bur du over ein viss avstand frå skulen eller har du ein særleg farleg eller vanskeleg skuleveg, har du rett til skuleskyss. Har du nedsett funksjonsevne eller er mellombels skadd eller sjuk, har du òg rett til skyss til og frå skulefritidsordninga (SFO).

    Målgruppe

    • Elevar i grunnskule, vidaregåande skule og privatskule
    • Elevar med funksjonshemming 
    • Elevar som er mellombels skadde eller sjuke

    Vilkår

    Avstanden mellom skule og heim må overstige

    • 2 km for 1. årstrinn i grunnskulen
    • 4 km for 2. til 10. årstrinn i grunnskulen
    • 6 km for vidaregåande skule

    Avstanden blir målt frå dør til dør og langs kortaste farbare vegen eller gang- og sykkelstig. Er du elev i grunnskulen og har ein spesielt farleg eller vanskeleg skuleveg, har du rett til fri skuleskyss uavhengig av kor stor avstanden er. Dette gjeld også om du er funksjonshemma eller mellombels skadd eller sjuk.

    Går du på privatskule, har du rett til skuleskyss berre innanfor grensene av den kommunen/fylkeskommunen der du bur.

    Pris

    Skuleskyss er gratis.

    Kontaktpersonar

    NavnTittelTelefonMobilTelefaksE-post
    Solveig Johre RustandKonsulent35 06 71 76Send Epost

    Ansvarleg avdeling

    Avdeling skule og kultur

    LederVeum, Sarke
    Telefon35 06 71 76
    E-postpostmottak@fyresdal.kommune.no
    PostadresseKlokkarhamaren 6 3870 Fyresdal
    BesøksadresseFyresdalsvegen 2237 3870 Fyresdal

    Kontaktavdeling

    Avdeling skule og kultur

    LederVeum, Sarke
    Telefon35 06 71 76
    E-postpostmottak@fyresdal.kommune.no
    PostadresseKlokkarhamaren 6 3870 Fyresdal
    BesøksadresseFyresdalsvegen 2237 3870 Fyresdal

    Lovar og retningsliner

    Fylkeskommunen/kommunen pliktar å sørgje for denne tenesta, jf. opplæringslova §§ 7-1, 7-2, 7-3 og 13-4. Sjå òg friskolelova § 3-7  og kapittel 10 i forskrift til opplæringslova.

    Søknadsprosessen

    Søknadmottakar

    Det er fylkeskommunen som har ansvaret og som avgjer om du har rett til skuleskyss. Dette gjeld likevel ikkje om du er elev i grunnskulen og har ein spesielt farleg eller vanskeleg veg. Da er det kommunen som har ansvaret og som avgjer om du har rett til skyss.

    Fyresdal kommune
    Klokkarhamaren 6
    3870 Fyresdal

    postmottak@fyresdal.kommune.no

    Behandlingstid

    Fylkeskommunen/kommunen har plikt til å behandle saka så snart som råd. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein meiner at vedtaket vil bli gjort.

    Høve til å klage

    Dersom du er misnøgd med vedtaket, kan du klage til kommunen/fylkeskommunen innan ein frist på tre veker frå du tok imot det. Forklar kva du er misnøgd med og kvifor du meiner vedtaket bør endrast. Treng du rettleiing, kan du vende deg til kommunen/fylkeskommunen. Blir avgjerda ståande, blir saka send vidare til Fylkesmannen (for elevar i grunnskulen) og klagenemnda i fylkeskommunen (for elevar i vidaregåande skule), som avgjer om klagen skal takast til følgje.

  • Vegvedlikehald

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk