Hopp til hovudinnhald Hopp til søk Hopp til bunntekst

Sauesanking

Kvart år blir fleire tusen sauer sleppt på sommarbeite rundt om i heiane i Fyresdal. Frå tidleg i juni til byrjinga av september er dei frifantar på utmarksbeite med eitt mål for auget, å ete seg gode og mette på det næringsrike og fine fjellbeite som gjev oss den gode smaken på lammekjøtet.  


Når september kjem og fuglejakta nærmar seg, er det tid for sauesanking. Ofte merkar sauen sjølv at hausten er på veg og byrjar å trekke mot bygda.

Eit stort oppbod av tobeinte og firbeinte sankarar saumfarar beiteområda, og jobbar etter nøye planlagde og innarbeidde metodar, ikkje minst er gjetarhundane til stor hjelp i dette arbeidet. Dette kan vere flotte dagar i fjellet, men surt dersom vêrgudane slår seg vrange. Sauene blir samla i sanketrøer rundt om, for etterpå å bli skilt ut, slik at den enkelte eigar kan få med seg sine dyr.  

I Fyresdal er det tradisjon kvart år for at ein kan kome å sjå når sauene kjem frå fjellbeite. På vestsida av Fyresvatn - i Fardal - blir det skipa til samling av innabygds og utabygdes folk som vil ha med seg denne hendinga.

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk